Asturies nun fixo los deberes en materia fotovoltaica

Al Principáu quéda-y un llargu camín pa tar na media del autoconsumu enerxéticu d'otres comunidaes

Asturies nun fixo los deberes en materia fotovoltaica. Na rexón malapenes hai un megavatiu de los 29.000 instalaos n'España.

A la nuesa rexón quéda-y entá un llargu camín pa tar na media del autoconsumu enerxéticu d'otres comunidaes, señala José Donoso, director xeneral de la Unión Española Fotovoltaica.

Ello a pesar de que los dos nuevos proyectos, ún pa una gran planta de paneles solares n'Asturiana de Zinc y otra en DuPont van dexar aumentar la potencia instalada na rexón hasta los 84 megavatios. Entá nun va ser abondo pa que los consumidores noten daqué na so factura de la lluz yá que va ser pal so autoconsumu.

Si falamos de lo que queda por instalar, dende la patronal del sector aseguren qu'hai una desaceleración de les instalaciones particulares.

El motivu, el fin de les ayudes, que solo se compensará, aseguren, facilitando los trámites pa les instalaciones nueves y en llugar de subvenciones, que tán siendo bien lentes, aplicar rebaxes fiscales.

Dende la Xunión Española Fotovoltaica planteguen fomentar l’autoconsumu colectivu y el desenvolvimientu de comunidaes enerxétiques.