Convocaos cuatro díes de fuelga nel comerciu minorista d'alimentación n'Asturies

Falta de meyores na negociación del conveniu colectivu, qu'afecta a más de 11.000 trabayadores

Los sindicatos UXT, CCOO, USO y Fetico alcordaron esti domingu n'asamblea convocar cuatro díes de fuelga, coincidiendo cola campaña navidiega, nel comerciu minorista d'alimentación d'Asturies énte la falta de meyores na negociación del conveniu colectivu, qu'afecta a más de 11.000 trabayadores na comunidá.

Los paros convocaránse los díes 23, 24, 30 y 31 d'avientu y van afectar a supermercaos y tiendes pequeñes, non a les grandes superficies, informó a EFE la vicesecretaria xeneral de Servicios, Movilidá y Consumu d'UXT n'Asturies, Marta González.

La dirixente sindical esplicó que na asamblea tamién s'encamentó a los emplegaos a que nun vayan a los sos puestos los díes 22 y 29, domingos nos que ye voluntario asistir a trabayar.