Educación destinará 41,5 millones en 2025 pa impulsar la rede autonómica de 0 a 3

Inxertaráse la enseñanza d'asturianu y eonaviegu nel segundu ciclu d'Infantil

La Conseyería d’Educación destinará en 2025 una partida de 41,5 millones pa impulsar la rede autonómica d’escueles infantiles, mediante la creación de dieciséis nuevos centros y l’entamu del inxerimientu de los equipamientos municipales.

Asina lo avanzó esti domingu la titular d’esti departamentu, Lydia Espina, que presentó les cuentes de la conseyería, qu’ascienden a 897 millones, un 5 por cientu más qu’esti añu.

La conseyera detalló que de los 41,5 millones que se dedicarán a la rede 'Les Escuelines', 27,8 sedrán pal funcionamientu de les 77 escueles municipales, que tienen matrícula de baldre dafechu dende setiembre.

Per otru llau, Espina esplicó que, dende’l cursu 2025-2026, inxertaráse la enseñanza d’asturianu y eonaviegu nel segundu ciclu d’Infantil, pal alumnáu de tres a seis años, con un calter voluntariu.