El presupuestu afita 93,6 millones y la creación de 54 nueves places pa salú mental

Saavedra: "Son unes cuentes necesaries y axustaes pa siguir avanzando nes polítiques públiques"

Los presupuestos del Principáu pa 2025 afiten una partida de 93,6 millones d’euros, un 5,5 por cientu más qu’esti añu, pa l’atención a la salú mental y inxerten la previsión de contratación de 54 nueves places de profesionales.

Asina lo destacó la conseyera de Salú, Concepción Saavedra, na rueda de prensa de presentación de les cuentes del so departamentu, que tendrá de 2.446 millones, un 5,3 por cientu más qu’en 2024 y que suponen el 36 por cientu del total.

Estos recursos, esplicó la titular del ramu, destinaránse a siguir avanzando nos "grandes oxetivos" de llexislatura, como l’abordaxe total de la salú mental y el fortalecimientu de l’atención primaria.