Los coches eléctricos nun paguen por aparcar na zona azul d'Avilés

Avilés, primer ciudá d'España que cunta con un sistema bonificáu

Los coches eléctricos yá nun paguen por aparcar na zona azul d’Avilés. Los vehículos cola etiqueta 0 tán exentos del pagu de la tasa por aparcar como midida pa fomentar la movilidá sostenible.

Amás los coches híbridos, los que lleven la etiqueta ECO, tamién tienen bonificación. Dende esti llunes abonen un 50% menos por aparcar nes cais de la ciudá con zona regulada.

La empresa axudicataria del serviciu, Donier, recomienda’l pagu al traviés de l’aplicación móvil. Avilés, ye la primer ciudá d’España de les que da esti serviciu, que cunta con esti sistema bonificáu.