Transición Ecolóxica destinará 46,5 millones a inversiones nel ciclu total del agua

P'ayudes a la inversión, a la creación de trabayu y a la internacionalización destinaránse 19,26 millones

La Conseyería de Transición Ecolóxica, Industria, Desendolcu Económicu invertirá 46,5 millones d’euros l’añu viniente en reforzar les infraestructures de saniamientu y depuración d’agua y en garantizar la disponibilidá de recursos hídricos pa l’actividá empresarial.

Ye una de les partíes más destacacaes del presupuestu previstu pa esti departamentu nos presupuestos autonómicos del añu viniente, qu’esti llunes detalló en rueda de prensa la titular de la conseyería, Nieves Roqueñí.

Con un presupuestu total de 297 millones d’euros, un 2 por cientu per baxo de les d’esti añu, la inversión de Transición Ecolóxica xubirá a 206 millones, el 70 por cientu del total, según destacó la conseyera, qu’insistió en que les polítiques de xestión del agua son una de les grandes prioridaes.