Luis Benito García participó nun fórum de la Unesco con una ponencia sobre la sidra

La Unesco evalúa la candidatura de la cultura sidrera pa ser Patrimoniu Mundial Inmaterial

La Unesco yá evalúa en Paraguái la cultura sidrera asturiana pa inxertala na llista de Patrimoniu Cultural Inmaterial de la Humanidá.

A entamos d'esti sieglu, l'historiador Luis Benito García participó nun fórum de la Unesco con una ponencia sobre la sidra. Facía poco que s'aprobare la convención de Patrimoniu Inmaterial d’esi organismu.

“Ehí ye cuando entamo a da-y vueltes a que la cultura sidrera asturiana cumple sobradamente toles condiciones pa ser considerada Patrimoniu Cultural Inmaterial de la Humanidá", señala'l director de la Cátedra de la Sidra de la Universidá d'Uviéu.

N'España algamaron esti reconocimientu'l flamencu o la fiesta de les falles de Valencia. N'otros países ficiéronlo'l tangu, la cocina mexicana o'l teatru Kabuki. La sidra espera xunise, asegura Pablo León Gasalla, director xeneral de Patrimoniu Cultural.