Zapico pide a la derecha democrática que s'amieste a los alcuerdos en materia de vivienda

PP y Vox denuncien que les fallíes polítiques de vivienda radicalícense con IX

El conseyeru d'Ordenación del Territoriu, Urbanismu, Vivienda y Derechos Democráticos, Ovidio Zapico, considera que l'entendimientu que se dio na izquierda pa favorecer l'aprobación de los presupuestos del Principáu pal añu viniente nun tien por qué escluyir a la derecha democrática en cuestiones como'l retu que supón facilitar l'accesu a la vivienda.

“L'entendimientu de la izquierda nun escluye otres visiones y la capacidá d'alcuerdu nun se tien por qué agotar na izquierda. La derecha democrática ye estratéxica en cuestiones qu'esta conseyería tien qu'afrontar", afirmó Zapico al comparecer énte la Comisión de Facienda de la Xunta Xeneral del Principáu pa informar sobre'l presupuestu previstu pa 2025 nel so departamentu.

Esta conseyería destinará'l 88 por cientu del so presupuestu pal añu viniente a vivienda, con una cuantía de más de 156,6 millones d'euros sobre una cifra global que supera los 177.