Los collecheros piden que se cuide más el campu asturianu

El Club Sierense Amigos de la Mazana llucha pol caltenimientu de la mazana

La mayoría de la mazana pa sidra yá se pañó. La cooperativa Campoastur señala que nun tuvo problemes fitosanitarios destacables y que foi un añu bonu, a pesar de ser veceru, de menos producción. Los collecheros, tanto profesionales como particulares, piden que se cuide más el campu asturianu.

Col reconocimientu de la Unesco de la cultura sidrera asturiana como patrimoniu inmaterial, David Menéndez, presidente del Club Sierense Amigos de la Mazana, espera que se ponga especial procuru nel campu.

El club llucha pol caltenimientu de la mazana, tamién fai sidra y non solo lo tradicional. Fundáu en 1996, el club cunta con más de 200 miembros, destaca Casimiro Fernández, secretariu del Club Sierense Amigos de la Mazana.

Luis Benito García, director de la Cátedra de la sidra de la Universidá d’Uviéu, esplica que la puesta en marcha en 2003 de la Denomación d’Orixe Protexida marcó un momentu decisivu, porque namás almite mazana asturiano.

Anguaño inxerta 76 variedaes. La DOP cunta con 385 collecheros y 880 pumaraes. Munches d’elles formen parte de la cooperativa Campoastur. Nestes feches, les brigaes tán acabando de pañar. Moustapha Seck ye xefe de cuadriella. Viniente de Senegal yá lleva diez años pañando manzana.

Esta temporada, el preciu de la mazana DOP va ente 42 y 46 céntimos el kilo. Lo que non, ente los 38 y 42 céntimos. Un 70% de la producción de Campoastur dirá pa la Denomación d’Orixe Protexida.