Saavedra destaca l'impulsu a la meyora total de l'atención primaria con 656 millones

La oposición ve nel presupuestu de Salú cifres históriques que llueu nun se cumplen

La conseyera de Salú, Concepción Saaveedra, destacó esti miércoles l’impulsu a la meyora total de l’atención primaria, a la que se destinarán l’añu qu’entra 656 millones, un 4,5 por cientu más que nel exerciciu d’anguaño, p’axilizar cites, reforzar personal y ampliar a toles árees les consultes por sospecha de cáncer.

Asina lo solliñó na so comparecencia en sede parllamentaria pa presentar el presupuestu del so departamentu pal exerciciu viniente, que medra a 2.446,64 millones, un 5,33 por cientu más qu’esti añu, nun "claru compromisu" cola meyora del sistema sanitariu públicu en calidá asistencial y na meyora de los equipamientos necesarios pa facelo "más accesible y equitativu".

Saavedra esplicó que les cuentes xirarán al rodiu de tres llinies estratéxiques centraes na atención primaria, les llistes d’espera y la salú mental.