Archivada la causa escontra l'alcalde de Ribedeva por un presuntu delitu de prevaricación alministrativa

La xueza afirma que'l rexidor cometió ilícitos alministrativos, pero nun los considera delitos penales

La xueza de Llanes acaba d'emitir un autu pol que decretó l'archivu de la causa abierta escontra l'alcalde de Ribedeva por un presuntu delitu de prevaricación alministrativa. Según l'autu xudicial, la xueza aceptó les conclusiones del fiscal, nes que señala que'l rexidor de Juntos por Ribadedeva cometió ilícitos alministrativos, pero nun los considera delitos penales.

Los dos voceros del PSOE y del PP aseguraron a estos servicios informativos per teléfonu, que'l xulgáu y la fiscalía apreciaron un ensame d'irregularidaes, polo que les sos denuncies van volver al Contencioso Alministrativu por un presuntu delitu de prevaricación.

Los dos partíos de la oposición denunciaron al alcalde de Juntos por Ribadedeva por ponese un sueldu y una lliberación ensin figurar nel orde del día, por retirar los informes del secretariu municipal del rexistru, por un contratu de la so defensa xurídica y por nun convocar los plenos cada mes.