La sidra festexa la so reconocencia mundial nes sidreríes

El premiu dignifica l'oficiu del escanciador y a tolos sectores de producción

Ye solo una bébora, nuna botella verde pero tolo que la arrodió per sieglos configuró la cultura asturiana. Ta nel ADN del Principáu y agora ye patrimoniu de la Humanidá. Nos templos d'esta cultura, nes sidreríes, güei celébrase la reconocencia. Los veceros valoren lo que significa.

Güei cuando se toma un culín ta participándose d'una cultura reconocida como patrimoniu inmaterial de la Humanidá. Hai euforia nel sector de la sidra y eso nótase tamién nos establecimientos.

La cai Gascona d'Uviéu recibe la reconocencia de la cultura sidrera como Patrimoniu de la Humanidá como un premiu a años de trabayu que va suponer un enantes y un dempués p'Asturies.

Un premiu que dignifica l'oficiu del escanciador y a tolos sectores de la so producción.