Les asociaciones de sidra casero del Altu Nalón y de Llanes van xunise a la Federación Asturiana

La producción sidrera va n'aumentu, sobre manera ente la xente nuevo

Les asociaciones de sidra casero del Altu Nalón y de Llanes van xunise en nada a la Federación que les axunta y que cunta yá con otres nueve. Un exemplu de la bona salú de la que gocia esta producción que va a más, sobre manera ente la xente nuevo.

La sidra casero ye'l siguiente de los reportaxes de la serie que tamos emitiendo en TPA por mor de la reconocencia de la sidra como Patrimoniu Cultural Inmaterial de la Humanidá.

Avelino Fuentes ye'l presidente de la yá consolidada Federación Asturiana de Sidra Casero. Les asociaciones que la componen llevaben años cola idea. Por fin materializóse esti branu pa potenciar esta producción que, señala, ye l'orixe.

Fuentes esplica qu'en periodos anteriores menguó la so producción. Pero resurdió. Y con fuerza. La primera foi la de Sariegu. Tien más de 25 años. Siguiéron-y munches más, como la de Villaviciosa, Piloña, Siero, Caudal, Ribeseya, Parres, Gozón o Salas.

El presidente de la Federación Asturiana de Sidra Casero afita la importancia d'espacios pa la sidra que s'ellabora en casa, onde se comparten idees, conocencies y, fundamentalmente, esperiencia.