El Conceyu d'Avilés va reactivar en xineru'l serviciu d'asesoría psicolóxica pa mozos

L'ansiedá y la soledá son los principales problema de salú mental xuvenil

El Conceyu d'Avilés volverá poner en funcionamientu, en xineru, el serviciu d'asesoría psicolóxica pa mozos. L'alta demanda y el contentu de los usuarios impulsó al consistoriu a siguir con esta ayuda otros dos años.

En dos años pasaron per esti serviciu confidencial y gratuitu, más de 200 mozos d'ente 14 y 30 años. En xineru volverá ponese en funcionamientu esta asesoría psicolóxica otros dos años, con atención personal, telefónica y online.

L'ansiedá ye'l principal problema de salú mental ente los mozos, y los problemes acomuñaos cola soledá. Según los espertos, afecten a cuatro de cada 10 persones d'ente 15 y 29 años.

Amás, el Conceyu actualiza la Guía d'Acompañamientu Emocional. Ye una ferramienta qu'ayuda a los docentes que trabayen nel serviciu d'orientación de Secundaria, Bachiller y FP pa prevenir el fracasu escolar, favorecer les relaciones y el bienestar emocional del alumnáu. Hasta'l momentu lleva 20.000 descargues.