El primer día de puertes abiertes na Xunta rexistra 766 visitantes

Les visites son de baldre, ensin cita previa y esparderánse hasta'l llunes

Un total de 766 persones visitaron güei la Xunta Xeneral del Principáu dientro de la Xornada de Puertes Abiertes. Los que s’averaron hasta ellí pudieron conocer cómo ye’l parllamentu asturianu per dientro y los sos secretos.

Conocer los distintos espacios que formen la Xunta Xeneral del Principáu o sentise por unos momentos como un diputáu del parllamentu asturianu, ye lo que pudieron facer güei los qu’esfrutaron de la primer xornada de puertes abiertes.

Hailos que repitíen la visita con gustu o, inclusive, los que dempués de 15 años xubilaos volvieron a la que foi la so casa munchu tiempu.

Una xornada con muncha afluencia, tanta qu’hasta dalgunos grupos tuvieron que medrar la so capacidá hasta les 50 persones.

Esta xornada de puertes abiertes acoyó l’añu pasáu a 3.888 persones.

De baldre y ensin cita previa, estes visites puen facese n’horariu de mañana y tarde hasta esti llunes.