La DOP Sidra d'Asturies cree que va xubir el preciu de la botella

La medría ye pola xuba del preciu de la mazana y los costos de producción

La reconocencia de la sidra como Patrimoniu de la Humanidá nun va afectar al so preciu. Asina s'afirma dende'l Conseyu Regulador de la Denominación d'Orixe Protexida Sidra d'Asturies. Según los espertos, la so medría va depender de que s'encarezan los costos de producción y el preciu de la mazana. Anguaño, por cuenta de la escasez d'esti frutu, el preciu de la mazana aumentó na redolada a cinco céntimos el quilo.

Les sidreríes consideren que'l preciu ye baratu: ente 3,20 y 3,80 euros la botella de sidra natural y daqué más de cuatro euros si ye Denominación d'Orixe Protexida. Creen que sedría bono pal sector que'l preciu xubiera. Según el sector, tendría qu'aumentar el preciu si s’echa.

El distintivu yá se ta dexando notar con una mayor llegada de públicu.

La collecha de mazana de 2024 ta marcada pola escasez, por culpa de la vecería, alternativa biañal que fai qu'a una campaña fuerte siga otra más baxa.

A falta de datos definitivos, n'Asturies recoyéronse ente cinco y seis millones de quilos, lo que va garantizar el suministru de sidra de Denominación d'Orixe, anque va haber que mercar mazana fuera d'Asturies pa la sidra convencional.