La Policía Nacional intensifica'l so llabor nes zones comerciales nel mes d'avientu

Los comerciantes de Llugones agradecen el refuerzu policial y los conseyos de los axentes

Protexer el comerciu, sobre manera nesta dómina, ye l'oxetivu de la Policía Nacional esti mes. Nesta ponte, el trabayu ye entá mayor y el sector agradezlo señalen Laura Barreiro, llibrera; y María Jesús Casaprima, comerciante.

Munchos robos, nestos negocios, fueron colos comercios yá zarraos, por furaca o alunizaxe. Solo la mayor presencia de Policía yá ye efectiva destaca Raquel Fresno, comerciante.

Los axentes aconseyaron al sector pa que prioricen el pagu electrónicu y nun atropar dineru na caxa. Sicasí, les tiendes cada vez tán más forníes no tocante a seguridá apunta Rebeca Pérez, comerciante.

Hasta'l 12 de xineru, esta campaña de mayor seguridá va tar operativa.