Les estaciones d'esquí tán llistes pa entamar la temporada

Si se cumplen les previsiones les pistes podríen abrir a lo llargo de la próxima selmana

Too ta yá llisto nes estaciones d'esquí asturianes pa la llegada de la nieve. En Fontes d'Iviernu'l personal tuvo trabayando nos últimos díes pa poner a puntu la estación de cara a les primeres nevaes. Instaláronse les protecciones y ficiéronse simulacros énte la previsión d'acumuladures de nieve d'hasta 60 centímetros. Na otra estación, la de Valgrande-Payares, el telecabina nun abrió les sos puertes como taba previsto énte les condiciones meteorolóxiques desfavorables señala Laura Delgado, responsable d'atención al veceru de Fontes d'Iviernu.

Les empreses d'arriendu d'esquís yá empezaron a notar l'interés de los aficionaos y confíen en qu'esta ivernada seya l'entamu d'una bona temporada asegura Verónica Rodríguez, dependienta de Skimal.

La ivernada va provocar importantes nevaes hasta'l llunes. De cumplise les previsiones les estaciones d'esquí podríen entamar la temporada a lo llargo de la próxima selmana.