Quitañeve y esparcidores de sal desplegaránse esta nueche en Payares y l'AP-66

Adriana Lastra da anuncia de que s'activará la fase d'alerta del Plan de vialidá ivernal de les carreteres estatales n'Asturies  

El plan de viabilidá ivernal, pol que se desplieguen y movilicen máquines quitañeve y esparcidores de fundentes, quedará activáu esti sábadu a les 22:00 na autopista d’El Güerna (AP-66) y El Puertu Payares énte la previsión de ñeve a mil metros y de que la cota baxe hasta los 900 a medianueche.

L’Axencia Estatal de Meteoroloxía caltién activu un avisu mariellu güei na zona del cordal y Los Picos d’Europa por acumulaciones de ñeve d’hasta diez centímetros, avisu que pasará a ser naranxa dende les doce de la nueche al caer la cota de ñeve hasta los 900 metros.

Énte estes previsiones, la delegada del Gobiernu n’Asturies, Adriana Lastra dio anuncia de que s’activará la fase d’alerta del Plan de vialidá ivernal de les carreteres estatales n’Asturies.