El sector de la sidra esplumoso tien bones mires pa Navidá con una medría sostenida de facturación y ventes

La mayor parte de la producción distribúyese en cadenes d'alimentación

Esti llagar ta cuasi vacío de sidra estra. La producción d'esta etiqueta dorada ye d'edición numberada, y polo tanto llendada..., a namás 350.000 botelles anguaño. Apuesten por una crecedera midida y sostenida pol boca a boca apunta José Antonio Norniella, xerente de Sidra M. Norniella.

Por esta embotelladora de la sidra “famoso nel mundu enteru" pasen más de 20 millones de botelles de lo esplumoso. Un 25% espórtase. Esperen medrar la so facturación un 5% anguaño, el primeru en que llogren asitiar la so sidra esplumoso nos lliniales d'una cadena catalana. La so sidra ensin alcohol, lo único 0,0 del mercáu, espera más ventes señala María Cardín, directora Comercial y de Marketing d'El Gaitero.

El 60% de la venta de sidra esplumoso produzse a partir del 15 de payares, especialmente na antoxana de la Nuechebona.

El sector de la sidra esplumoso crez d'añu n'añu, pero siempres con mires de desestacionalizar el so consumu afita Verísimo Busto, xerente de Sidra Mayador.

Empieza a trunfar el botellín con o ensin alcohol. La tercer xeneración d'esti llagar ve viaxar los 9 millones de botelles de la so producción col que celebren consumidores de 85 países. Adáptense a los sos vezos y gustos.