La Feria de la faba de Colunga cai un 50% al respective la última edición pola mala collecha d'esti añu

La meyor faba foi la de la colunguesa Carmen Valle y la segunda de mayor calidá, la de la llucense Mónica Álvarez

Los productores de la feria de Colunga namás punxeron a la venta 200 kilos de faba, lo que suponón 200 menos que va un añu. Eso sí, vendióse ente los 16 y los 18 euros, tres más que va un añu destaca Roberto Suárez, productor de Grau.

La collecha de faba ye una de les peores de los últimos años. La cayida foi del 40% de tolo collechao poles males condiciones meteorolóxiques señala Mónica Álvarez, productora de Lluces.

Precisamente, sólo participaron cuatro productores, dos de Colunga, ún de Grau y otru de Valdés.

La meyor faba de la feria colunguesa d’esti añu foi la de la productora local Carmen Valle, mientres que la segunda de mayor calidá esti añu foi la de Mónica Álvarez, del pueblu colugués de Lluces.

La PAC dará una ayuda de más de 600 euros per hectárea a los asociaos, mientres que’l Principáu ufiertará ayudes especiales a los de la IXP nel primer trimestre apunten Carmen Valle, productora de Colunga, y Begoña López, de la Dirección Xeneral d’Agricultura, Agroindustria y Desendolcu Rural.

Marifé Macías y Pedro Vega fueron nomaos el paisanu y la paisana na feria de la faba de Colunga d’esti añu.