Suspendíu'l Plan de Llagos énte l'alerta por nieve

Güei yera la penúltima xornada del añu con restricciones al vehículu priváu nesta vía

La imaxe del Llagu Enol, cubiertu dafechu, esplica’l corte de la carretera CO-4. A les 9:20, Emerxencies cerraba la valla.

Col plan especial de tresporte activáu, nengún autobús llegó a xubir. Los turistes qu'esperaben poder esfrutar d'un paisaxe únicu quedaron coles ganes señalen Mariona González y María Álvarez, turistes afectaes.

Ye la única manera d'aportar nun día con un avisu coloráu por nevaes, pero son dolce kilómetros que bien pocos tán dispuestos a percorrer a pie. Dende'l 30 de payares hasta'l 9 d'avientu'l vehículu priváu taba acutáu. Ye la última ponte del añu col Plan de Llagos n'activo, un serviciu d'autobuses llanzadera que tuvo que ser atayáu pola nieve.

Los visitantes nun pudieron mercar el so billete físicamente. Quien lo fixere per internet va poder pidir el reembolsu. Los pocos que pasaron per Cuadonga tuvieron que buscar un plan B aseguren Judith Mestre y Andrea Corredera, turistes afectaes.

Nel últimu trimestre, 108.000 pasaxeros usaron los servicios llanzadera de tresporte públicu a sableres y reserves de la biosfera. Bona parte d'ellos son usuarios con destín a Los Llagos.