Asturies dexa atrás l'avisu coloráu por nieve al meyorar les condiciones meteorolóxiques

En Somiedu rexistró la temperatura mínima d'Asturies, 6,2 graos baxo cero

La meyora de les condiciones meteorolóxiques pela mañana llevaron a desactivar l'avisu coloráu (riesgu estremu) que dende'l domingu taba activa por fuertes nevaes nos Picos d'Europa y el cordal cantábricu, anque se caltién l'avisu mariellu pa estes zones y el suroccidente del Principáu.

L'Axencia Estatal de Meteoroloxía (Aemet) espera que nes próximes hores siga nevando en cotes asitiaes percima de los 1.000 metros, pero con acumuladures de nieve de cinco centímetros, lloñe de los 40 que llevaron ayeri a decretar l'alerta colorada en Picos y el Cordal.

L'avisu nestes contornes va caltenese activa hasta la madrugada del martes, mientres que na contorna suroccidental, onde puen algamase espesures de diez centímetros en 24 hores, l'avisu mariellu va desactivase a medianueche.