El deteníu pola muerte d'un home en Llangréu sigue en dependencies policiales

Los vecinos de cai tán sorprendíos

El deteníu pola so presunta implicación na muerte d'un home nun portal de Sama ta en dependencies policiales mientres se faen nueves dilixencies. Espérase que pase a disposición xudicial nos próximos díes.

Los vecinos de la cai Alfredo Pumarino de Sama entá tienen el plasmu nel cuerpu tres l'afayu ayeri d'un calabre nesti portal númberu 8.

Según les primeres informaciones la muerte foi de forma violenta na madrugada del sábadu al domingu. La víctima ye un home de 69 años.

La Policía Nacional detuvo a primer hora de la tarde d'ayeri a un home de 45 años y nacionalidá venezolana, pola so presunta implicación nos fechos. Vive cabo la so hermana nel edificiu nel qu'apaeció'l cuerpu. Los vecinos de la cai tán sorprendíos al ser esta una zona tranquila.

La investigación policial sigue. El deteníu ta en dependencies policiales a la espera de que se-y practiquen nueves dilixencies.