ArcelorMittal para'l tren d'alambrón hasta'l 7 de xineru pola debilidá del mercáu

Nos díes de parada nun fadrá falta la presencia de la mayor parte del personal

ArcelorMittal parará’l tren d’alambrón de la factoría de Veriña (Xixón) hasta’l 7 de xineru pola situación de mercáu de baxa demanda, informaron esti miércoles fontes sindicales y de la empresa.

El tren d’alambrón, que yá interrumpió la so actividá diez díes nel mes d’ochobre pasáu, volvió a parar el vienres anterior y tará nesta situación hasta’l martes 7 de xineru.

Fontes de la multinacional siderúrxica apuntaron que les actuales condiciones del mercáu del aceru, con baxa demanda y altos volúmenes d’importaciones de fuera de la Xunión Europea, "obliguen a parar otra vuelta’l tren d’alambrón" neses feches.