Asturies apuesta pola sostenibilidá na gastronomía y la hostelería

Volver atrás nos fogones, evitando esperdiciar y con productos locales

Buscar la sostenibilidá na gastronomía y la hostelería ye l'oxetivu del Congresu que se celebra n'Uviéu, con más de 15 ponentes que piden volver atrás nos fogones, evitando esperdicios y con productos de cercanía.

Un alcuentru nel qu'espertos d'otres comunidaes punxeron d'exemplu'l trabayu que tán faciendo n'Asturies chefs, guisanderes y restauradores.

Mermelada d’artimores que sobraron de la ellaboración d'una tarta o pestu de fueyes de cenahories. Ye la propuesta de la empresa Aguas Catering, que trabaya pa firmes de luxu cocinando colo qu'otros refuguen.

Ye l'exemplu de cómo la cocina pue y tien de volver atrás, evitando esperdiciar y buscando productos locales. Apostando por esa sostenibilidá qu'agora ta de moda, pero que yá inventaron les nueses güeles.

Gastronomía sostenible, económica y sabrosa.