El nuevu xefe de Policía trabayará pa caltener la baxa ratiu de criminalidá d'Asturies

Jorge Ignacio Moreno toma posesión como xefe cimeru de la Policía Nacional n'Asturies

El comisariu principal Jorge Ignacio Moreno tomó esti miércoles posesión como xefe cimeru de la Policía Nacional n’Asturies col retu de que la comunidá siga calteniendo les baxes ratios de criminalidá que la asitien como una de les "más segures d’España".

El so antecesor nesti puestu, Luis Carlos Espino, entregó-y el bastón de mandu nun actu al que fueron el director xeneral de la Policía Nacional, Francisco Pardo, la delegada del Gobiernu n’Asturies, Adriana Lastra, y el presidente de la Xunta Xeneral, Juan Cofiño, ente otres autoridaes.

"Siéntome afortunáu de la plantiya que tengo a les mios órdenes", señaló Moreno, qu’aseguró qu’asumir el lideralgu de la Xefatura Cimera d’Asturies ye un "honor" y prometió exercer "trabayu n’equipu y de calidá" pa qu’esti cuerpu siga siendo "una institución tan bien valorada polos ciudadanos".