Presentaos los resultaos del proyectu 'Cómo mira tu bebé'

Un trabayu qu'involucra la IA pa detectar, de manera prematura, trestornos del espectru autista

Los trestornos del espectru autista puen entamar a vese ente los 18 y 24 meses d’edá. Agora, cola ferramienta fecha pol equipu de 'Cómo mira tu bebé', esti plazu mengua hasta los nueve meses, simplificando tamién el métodu y involucrando a la intelixencia artificial.

Gloria Acebedo Díaz, directora del proyectu 'Cómo mira tu bebé', asegura que la prueba ye cenciella. Una pantalla reproducirá vídeos estímulu diseñaos y otru dispositivu analizará hacia ónde mira’l neñu o neña, pa comparalo con los patrones que fadría otru ensin autismu.

L’Asociación de Familiares de Persones Autistes, Asansi, que participó nel proyectu, afirma que ye’l que más potencial tien de tolos que s’involucraron y pronostíquen-y un gran percorríu, destaca la so directora, Mónica Fernández Prada.

Anguaño la ferramienta tien un 93% d’eficacia pero ye que, amás, l’algoritmu d’intelixencia artificial deprende de los sos resultaos, lo que fadrá que’l so aciertu meyore col pasu’l tiempu.