Pocu pulpu nel entamu de la costera

El productu encareció nos últimos años, por mor de la falta

A una milla de la costa de Tapia trabayó güei una embarcación con base n‘El Porto. Pa los sos tres pescadores, tamién pa los del restu d’Asturies, foi la primer xornada de la costera del pulpu.

Nos siete meses vinientes, cada embarcación podrá garrar hasta 10.000 kilos d’un productu que se revalorizó nos últimos años, un alimentu cuasi de lluxu.

L’añu pasáu pagáronse de media pol pulpu certificáu MSC una media de 13 euros. Les más d’estes captures marchen fuera d’Asturies. En dalgunos países, inclusive, páguense 100 euros por kilo de pulpu.

La xornada foi bona. Les captures d’esta embarcación averáronse a los 50 kilos, con exemplares de mui bon pesu, cerca de los cinco kilos. Pero dende va tiempu los pescadores noten menos presencia de pulpu, posiblemente por una mengua nel alimentu qu’hai nel fondu marín

Mientres que la gran mayoría d’esti pulpu asturianu véndese nel estranxeru como productu gourmet, n’Asturies véndese sobre manera cefalópodu viniente del estranxeru.