El Conseyu Escolar estatal plantega ampliar la educación obligatoria hasta los 18 años

N'Asturies enagora nun ye una prioridá y xenera debate

El Conseyu Escolar Estatal quier abordar yá un vieyu tema de debate: ampliar o non la educación obligatoria hasta los 18 años. Recuéyelo nel informe de 2024 aprobáu por unanimidá nel plenu del órganu. La midida yá ye una realidá en países como Portugal o Francia.

N’Asturies, esplica Mari Luz Pontón, presidenta del Conseyu Escolar d’Asturies, enagora nun ye una prioridá y xenera debate.

Comisiones Obreres, UXT y la Federación de Padres y Madres Manuel Virgós tienen duldes sobre que l’ampliación de la educación obligatoria hasta los 18 años fuera a ser una midida beneficiosa y consideren que ye prioritario centrase nel fracasu escolar, señala Borja Llorente, representante de CCOO nel Conseyu Escolar.

Anque’l debate en sí puea resultar positivu, tamién creen que nun ye’l momentu, cuando entá se ta afitando la Lomloe, señala Cristóbal Puente, representante d’UXT nel Conseyu Escolar.

ANPE, a la escontra, sí defende ampliar de los 16 a los 18 años la educación obligatoria, como pasa en Bélxica, Francia y Portugal, esplica Mariela Fernández, representante d’ANPE nel Conseyu Escolar.

La tases d’abandonu escolar n’España ye del 13,6%, 10 puntos menos que va una década.

Asturies ta perbaxo de la media, con un porcentaxe d’un 10,5%, según el ministeriu d’Educación.