Reforzar la salú na atención primaria y esparder una rede qu'involucre a tolos organismos municipales

La soledá nun deseada afecta a la tercer edá y tamién a la mocedá

Reforzar la salú na atención primaria y estender una rede qu'involucre a tolos entes y organismos municipales. Son dalgunes de les claves abordaes güei nel alcuentru escontra la soledá non deseada, entamáu pola Mancomunidá de la Sidra, y nel que se destacó amás que non solo afecta a la tercer edá sinón tamién a la mocedá.

Dende colectivos hasta ayuntamientos y servicios públicos. Lo municipal xuega un papel fundamental pa intentar salvar la soledá. Énte'l medrante problema del individualismu, n'Italia creen que la solución tien que pasar por apostar pola salú mental na atención primaria porque la vertiente económica medra la fendidura. Y ye que ye difícil señalen pidir ayuda primero y salir dempués.

En Suecia apuesten por actividaes sociales, físiques y creatives amás del entrenamientu d'habilidaes. Con una medría de los problemes de salú mental, sobre manera en muyeres, tamién ponen el puntu de mira na mocedá.

Reforzar iniciatives y programes como los d'avieyamientu activu ye l'oxetivu del Principáu, que destinará a les entidaes locales 16 millones hasta 2027.

La Comarca de la Sidra fai dende ochobre un mapéu de casos gracies a asociaciones de vecinos y axentes como los centros de salú que yá algamaron identificar 47 casos. Más de la metá yá participen en talleres.

Los talleres de memoria fórmense tamién pa munchos mayores como un espaciu de socialización.