Uviéu agospiará la primer edición de los premios Startup Rural

Los galardones premien proyectos innovadores a nivel nacional nel mediu rural

Uviéu foi la ciudá escoyida p’albergar la primer edición de los premios Startup Rural. Unos galardones a nivel nacional que premie proyectos innovadores nel mediu rural, porque la falta de trabayu y el, a vegaes, difícil accesu a les tecnoloxíes, siguen siendo les causes del despoblamientu nos nuestros pueblos.

Verónica Menéndez esplicó a los reis, na so visita a Sotres como pueblu exemplar, el so proyectu Agrolinera pa reaprovechar el sueru de les queseríes. Llegó a estos premios col trabayu fechu.

Como ella, otros ocho finalistes, d’Andalucía, Castiella y Lleón, Castiella-La Mancha y Comunidá Valenciana, reconocen qu’emprender nel mundu rural ye más difícil.

Defenden la necesidá de dotar a les zones rurales de les mesmes oportunidaes qu’a les ciudaes, entamando por un bon accesu a les tecnoloxíes.