El PP presentará una enmienda a la totalidá de los presupuestos del Principáu pa 2025

Barbón pide al PP "pensar menos en sí mesmo y más n'Asturies", y que sofite'l presupuestu

El PP presentará una enmienda a la totalidá de los presupuestos del Principáu pa 2025. El debate de les cuentes entamará esti vienres na Xunta. El PP considera'l presupuestu malu p'Asturies y apuesten por una rebaxa fiscal que beneficia a les rentes baxes.

Enantes de facese oficial esa enmienda, Adrián Barbón pidió a los populares el sofitu a les cuentes y pídi-yos que "piensen menos en sí mesmos y que piensen más n'Asturies", de forma que dean el so sofitu al proyectu presupuestariu pa 2025.

Dempués d'afirmar que'l PP nun tuvo "a l'altura nin nos peores momentos de la pandemia" cuando votó a la escontra del presupuestu, Barbón dixo qu'Asturies da-y agora "una oportunidá", de mano pa que nun presente una enmienda de totalidá nin la vote xunto con Vox, y dempués pa que "reflexone" sobre "la necesidá d'un sí por Asturies".

Barbón pronuncióse nestos términos en declaraciones a los periodistes nuna visita al vial reparáu ente Cuatumonteros y La Rodada, en Santu Adrianu.

El xefe del Executivu asturianu recordó que la fechura d'inversiones como esta necesiten d'unos presupuestos, como otres mdíes inxertes nel proyectu pa 2025, como la matrícula universitaria de baldre pa les families de clases medies y trabayadores, la medría de les deducciones fiscales por fíu, o les ayudes a la natalidá o a la emancipación.

Por ello, Barbón llamó a tolos grupos parllamentarios a que decidan "si opten por sofitar a Asturies o opten por facer política partidista, curtiuplacista, de desgaste, de non al Gobiernu de turnu".