Los ciberataques amenacen el tresporte marítimu mundial

Tecnoloxía que se pue hackear a debate nunes xornaes en Xixón

Astilleros Gondán ta construyendo nes sos instalaciones d'As Figueiras un barcu autónomu dafechu, 24 metros d’eslora pa inspección submarina que nun necesita tripulación. Opera remotamente dende tierra, lo que demanda una tecnoloxía mui avanzada.

Tecnoloxía que se pue hackear. Dalgunos delincuentes en redes cunten cola tecnoloxía y la preparación suficiente pa facese con barcos de manera remota y, por exemplu, estrellalos.

La Organización Marítima Internacional obliga dende va tiempu a perfeccionar la tecnoloxía usada nel sector naval pa evitar esti tipu d’ataques. Meyores nos sistemes de navegación, nos de xeneración d’enerxía o propulsión, pero resulta complexu adaptase nes empreses a estos cambeos. Los hackers, davezu, lléven-yos ventaxa.

Ciberataques qu’amenacen el tresporte marítimu mundial, que mueve’l 90% del comerciu internacional.