Les obres de la ponte de Ribeseya van volver a entamar en marzu de 2025

Los trabayos quedaron paralizaos en setiembre de 2023

Les obres pa l'ampliación de la ponte de Ribeseya van retomase'l próximu mes de marzu y l'oxetivu ye qu'acabaren n'avientu del próximu añu.

La entós ministra de Tresportes, Raquel Sánchez, foi a Ribeseya pa presentar el proyectu n'abril de 2022. Pero los trabayos quedaron paralizaos en septiembre de 2023, por cuenta de problemes ente'l Ministeriu de Tresportes y la unión d'empreses encargaes de la reforma, pol modificáu de la obra, por mor, al paecer, del deterioru de les pilastres.

Desbloquiáu'l problema, dempués d'añu y mediu, la previsión ye qu'ente marzu y xunetu se refuercen eses pilastres dende la plataforma de la ponte. Polo que va ser necesariu'l zarru d'una de les carriles. Y a partir de xunetu, y hasta la primera quincena de setiembre paralizaránse les obres de nuevo, por cuenta de la masiva llegada de turistes. A metá de setiembre van retomase. Per otres 15 selmanes va quedar zarráu dafechu pal tráficu rodáu, non pa los peatones.