El PSOE denuncia qu'Uviéu va pagar 240.000 euros n'intereses por nun faer la obra d'El Fontán

El conceyu decidió nun llevar alantre la rehabilitación al negase los comerciantes a que la planta cimera fuera pa hostelería

El Partido Socialista denuncia que'l Conceyu d'Uviéu va tener que pagar 240.000 euros n'intereses por arrenunciar a los fondos europeos Next Generation pa la reforma del Mercáu d'El Fontán.

Esta cantidá súmase a la devolución de los 2,4 millones conseñaos pa esos trabayos. El conceyu decidió nun llevar alantre la rehabilitación al negase los comerciantes a que la planta cimera se destinara a hostelería.

El grupu socialista asegura que'l pagu d'intereses ye un reflexu de lo que define como "cabezonería" y ineficacia del equipu de gobiernu municipal.