La Fiscalía pide prisión ensin fianza pal autor del crime de La Corredoria

El cuerpu ensin vida del varón taba'l vienres al mediudía nel interior d'un pisu de La Corredoria  

La Fiscalía del Principáu d'Asturies pidió esti llunes al xulgáu l'ingresu en prisión provisional comunicada y ensin fianza del deteníu pola muerte violenta d'un home la selmana pasada nel barriu uvieín de La Corredoria.

La Fiscalía considera que los fechos son constitutivos d'un delitu d'homicidiu, ensin perxuiciu de qu'esta calificación puea modificase a lo llargo de la instrucción del procedimientu, informó'l Ministeriu Públicu.

El deteníu en relación a la muerte d'un home n'Uviéu, con un calabre que foi atopáu'l vienres nuna vivienda del barriu de La Corredoria, pasó esti llunes a disposición del xulgáu, que tendrá de decidir sobro la situación en que queda l'arrestáu.

El cuerpu ensin vida del varón alcontróse'l vienres al mediudía nel interior d'un pisu asitiáu en La Corredoria.