Valdés acondicionará edificios como antigües escueles rurales pal usu de les asociaciones vecinales

El presupuestu municipal afita una intervención de 42.000 euros pa la rehabilitación dafechu de les antigües escueles de Tablizu

Una reforma dafechu devolverá la vida a estes antigües escueles de Tablizu nes que va yá 50 años que nun se da clase. Tuvieron abiertes ente 1933 y 1974 y dende entós namás s’usen pa xuntes vecinales.

Los vecinos tán encantaos con que l’edificiu puea recuperase aseguren José Antonio Argüelles y Álvaro Trigo. En total invertiránse 42.000 euros que yá apaecen afitaos pa esta intervención nel nuevu presupuestu municipal.

L’añu pasáu yá se ficieron reparaciones d’esta triba en dellos pueblos del conceyu apunta Óscar Pérez, alcalde de Valdés. Espérase que les obres en Tablizu puean entamar a primeros d’añu.