Barbón saca alantre los sos sestos presupuestos col sofitu de Tomé y ensin el de Foro

IU-CA va facilitar la subsanación del error del presupuestu sobre l'impuestu de sucesiones

La Xunta Xeneral dio esti vienres el preste definitivu a unos presupuestos autonómicos pa 2025 de 6.664 millones, un 4,5 por cientu más que l'actual, que representen les sestes cuentes que l'Executivu d'Adrián Barbón saca alantre de manera consecutiva y que, al marxe del PSOE y d'IX, cuntaron col sofitu de la diputada del grupu mistu Covadonga Tomé y el refugu de Foro.

El plenu del parlamentu asturianu votó esti vienres de forma definitiva'l documentu económicu, qu'amás del anunciáu votu a la escontra de PP y de Vox, tuvo'l refugu del diputáu de Foro Asturias, Adrián Pumares, quien, nesta ocasión, espresó la so oposición al nun incluyir, na so opinión, midíes que vayan meyorar abondo la vida de los asturianos.

La Xunta Xeneral votó les 174 enmiendes parciales que les formaciones polítiques presentaron al documentu, mientres que salieron alantre les dos ellaboraes pol PSOE pa correxir l'error sobre les bonificaciones pa herederos de cuartu grau nel impuestu de sucesiones y dexar, en 2026, una rebaxa del 99 por cientu.