El fenómenu de la 'gastrificación' consiste na perda de la esencia y tradición gastronómica d'un llugar

Ye un problema cada vez más visible n'Asturies y que podría xenerar un cambéu radical na nuesa gastronomía

L'aumentu escomanáu del turismu, los cambeos nos nuesos vezos de consumu o la falta de conocencia sobre l'alimentación son dalgunos de los factores que contribuyeron a desenvolver la gastrificación nel Principáu. Una situación que Lluís Nel Estrada, gastroconsultor, entá ve reversible.

Un problema qu'afecta a la nuesa identidá culinaria y del que, según Estrada, podríen ser responsables toos aquellos participantes de la gastronomía asturiana.

Anque, como señala l'informe, nun se trata de desaniciar otres opciones gastronómiques ayenes a Asturies, sinón d'adaptar esos productos a la nuesa gastronomía tradicional porque anque l'hamburguesa gusta a mozos y non tan mozos, hai que tener en cuenta que nun ye lo mesmo comer l'hamburguesa d'una multinacional, que fecha con carne asturiano, por casu.

Un cambéu de mentalidá qu'Estrada ve fundamental pa nun contribuyir a la perdida de la identidá gastronómica del Principáu.