Los vecinos de Sotres piden un meyor caltenimientu de la carretera pa evitar el xelu

Tercer accidente na zona, porque la quitanieves nun pasó cuando debería

Los vecinos de Sotres piden un meyor caltenimientu de la carretera pa evitar el xelu. Precisamente ayeri un coche salió de la vía tres patinar ensin qu’hubiera mancaos. Los vecinos del pueblu cabraliegu afirmen que la quitanieves nun pasó y que l'accidente podría evitase.

Los habitantes de la zona indiquen que la carretera necesita un caltenimientu constante, y afirmen que nun se fai, porque la quitanieves dacuando nun xube anque seya necesario porque los rexistros meteorolóxicos tómense na estación de La Caballar, una zona más calurosa y soleyera que Sotres.

En Sotres lleven tiempu demandando que'l Principáu tenga en cuenta les necesidaes del pueblu.

Los vecinos esperen que'l Principáu actúe cuanto enantes y indiquen qu'esti ye'l tercer accidente que se produz nesa zona porque la quitanieves nun pasó cuando debería. El coche, foi quitáu de la vía polos vecinos de Tresvisu a última hora de la tarde d'ayeri.