L'agua vuelve a manar de la histórica fonte de Los Caños de Rivero, n'Avilés

Representa una de les imáxenes más reconocibles del cascu históricu avilesín

L’agua volvió a manar de la fonte de Los Caños de Rivero, catalogada Bien d’Interés Cultural, dempués de rematar les obres de restauración, informó esti llunes l’Ayuntamientu d’Avilés nuna nota.

La fonte, catalogada como Conxuntu Históricu, representa una de les imáxenes más reconocibles del cascu históricu avilesín.

Va unos cuatro meses entamaron los trabayos de rehabilitación col valláu del recintu y la fonte de Rivero tuvo oculta hasta esti llunes.

L’alcaldesa de la ciudá, Mariví Monteserín, visitó’l resultáu d’una actuación mui demandada pola ciudadanía y qu’aguapa ún de los requexos más populares del cascu históricu.