Xixón creará una zona de baxes emisiones nel barriu de La Calzada

La tramitación del proyectu entamará en 2025

La Xunta de Gobiernu de Xixón, aconceyada en sesión estraordinaria, aprobó esti llunes el proyectu técnicu del Ayuntamientu de Xixón pa regular la futura Zona de Baxes Emisiones (ZBE) de La Calzada, asina como la recepción de les obres de la Ecomazana.

Asina lo anunció en rueda de prensa’l conceyal de Tráficu, Movilidá y Tresporte Públicu, Pelayo Barcia. Tuvo acompañáu pol conceyal d’Infraestructures Urbanes y Rurales, Gilberto Villoria, y el director d’Alcaldía, Coordinación y Proyectos de Ciudá, Jaime Fernández-Paíno.

Jaime Fernández-Paíno dixo que la execución del proyectu en plazu yera "imposible" cuando llegó l’equipu de Gobiernu d’anguaño al Ayuntamientu, polo que "se trabayó con tolos medios" dende l’entamu del mandatu pa solicitar una prórroga que se concedió’l 25 d’ochobre de 2024.

El director d’Alcaldía, Coordinación y Proyectos de Ciudá dixo que’l "retu" pa 2025 ye algamar "apurar al máximu" los plazos d’execución pa les obres nos colexos de Los Campos, Castiello y Rei Pelayo, que se llevarán alantre "en plazu".

Nesti sen, Fernández-Paíno recordó que los proyectos Piles Natural y Xixón Ecoresiliente tamién han llevase alantre en 2025.