Los coches paguen 15,60 euros por cruzar el peaxe d'El Güerna

Entren en vigor les nueves bonificaciones pa los vehículos llixeros y pesaos

El peaxe d’El Güerna ye dende güei 60 céntimos más caru pa vehículos llixeros. Cruzar hacia la meseta cuesta yá 15,60 céntimos.

Hai bonificaciones pa los usuarios más avezaos. Pa vehículos llixeros, los usuarios avezaos que faen más de tres percorríos completos al mes tendrán descuentos del 15% nel primeru, 30% nel segundu y del 60% dende’l terceru n’adelante.

Un usuariu que faga 12 viaxes ente Uviéu y Lleón nun vehículu llixeru pagaría 180 euros en peaxes, pero coles nueves bonificaciones son 95,50 euros y siempres con telepeaxe.

Per parte de so, los vehículos pesaos podrán esfrutar de les bonificaciones ensin nengún tipu de condiciones y cualquier día de la selmana.

Una xubida que vien dada pola actualización del Ministeriu de Tresportes y Movilidá Sostenible de los peaxes de les autopistes de titularidá estatal baxa concesión alministrativa pa 2025.

Nel casu d’El Güerna ye un 3,84%, pero pue llegar hasta’l 5,45%, n’otres zones del país, en función de les condiciones específiques de cada concesión.