Xixón conclúi les obres de meyora del Pabellón Mata-Xove

Aumentáu'l graderíu, cubiertos los almacenes, instalaes nueves puertes de seguridá y lluz LED

El Conceyu de Xixón presentó esti vienres les obres d'actualización del Pabellón Mata-Xove, qu’acaben de concluyir y supunxeron una inversión de 461.000 euros no tocante a l'ampliación de graes, de 270 a 504 places, y de 241.000 euros pa la cubierta y otres instalaciones.

El conceyal d'Infraestructures Urbanes y Rurales, Gilberto Villoria Palacios, y el conceyal de Deportes y Educación, Jorge Pañeda, amosaron el so "contentu" nel actu nel qu'amosaron les meyores nel equipamientu.

Pañeda resaltó que non solo s'aumentó'l graderíu, sinón que tamién se cubrieron los almacenes, instaláronse nueves puertes de seguridá y lluz LED, al empar qu'amosó’l so deséu de "acometer lo enantes posible" proyectos d'esti tipu nuna zona oeste de la ciudá, "que necesita tamién más pabellones y instalaciones".