El comerciu asturianu entama mañana les rebaxes

La UCE recuerda que nes etiquetes tien d'apaecer el preciu anterior y el rebaxáu

Si los Reis Magos nun acertaron colos regalos, mañana los comercios abren pa devoluciones y, amás, con rebaxes. La UCE recuerda a los consumidores que nes etiquetes tienen d’apaecer el preciu anterior y el rebaxáu y encamienta al pequeñu comerciu qu’ufierten devoluciones n'efectivo.

Anque dacuando seya difícil, lo meyor ye tener una llista y mercar namás lo que se necesita. Inclusive ye recomendable faer un siguimientu del productu que nos interesa p'asegurase de que'l descuentu ye real y, por supuestu, que tea bien etiquetáu, señala Dacio Alonso, presidente de la Unión de Consumidores d'Asturies.

Na mayoría de les tiendes, les rebaxes entamen dempués de Reis, pero la lliberalización del sector en 2012 fixo q yá nun haya unos díes marcaos y que se vean yá munchos descuentos.

Los descuentos suelen dir aumentando. Dende la unión de consumidores encamienten mercar nel pequeñu y medianu comerciu. Anque, fáen-yos un encamientu: que vuelvan el dineru igual que se fai coles grandes marques o les compres online.

Les rebaxes d'iviernu van llegar hasta finales de febreru o principios de marzu.