Los sindicatos encaren la xunta cola SEPI y Hunosa como una segunda oportunidá

Dulden y piden una negociación seria con proyectos de transición xusta

Tamos a hores de que los sindicatos mineros tornen a Madrid pa intentar algamar la deseada viabilidá pa Hunosa. El plan d'empresa 2019-2027 consensuáu cola dirección de la empresa foi refugáu pola SEPI ensin esplicaciones.

Los sindicatos encaren la xunta cola SEPI y la dirección d'Hunosa como una segunda oportunidá pa negociar un plan de futuru dempués de que se bloquiara en Madrid l'alcuerdu robláu n'Asturies. Lo primero qu'esperen ye compromisu, señala José Luis Alperi, secretariu de SOMA-Fitag-UXT.

Damián Manzano, secretariu xeneral de CCOO d'Industria d'Asturies, asegura que se van sentar a la mesa con rocea y critiquen la función del presidente d'Hunosa, Enrique Fernández.

Dulden tamién de los anuncios fechos pola empresa sobre contrataciones y inversiones yá que recuerden qu’Hunosa y SEPI nun punxeron na mesa de negociación proyectos alternativos a la estracción de carbón.

Los sindicatos afirmen que sí presentaron aspiraciones que podríen absorber a la plantiya de la hullera y la d'empreses auxiliares.

Aluden tamién a la posibilidá de qu'Hunosa pudiera desenvolver servicios qu'agora fai la empresa pública Tragsa n'Asturies.