El Principáu asegura qu'hai empreses interesaes nes parcelas que tán a la venta en La Zalia

Los interesaos pertenecen al sector de la enerxía anovable o al ámbitu loxísticu que quieren reasitiase

El Principáu quita importancia a que se tuviere que prorrogar la comercialización de parceles en La Zalia hasta marzu, por nun vendese, y asegura, ensin dar nomes, qu’hai empreses interesaes de dellos sectores según Alejandro Calvo, conseyeru de Fomentu, Cooperación Local y Prevención d’Incendios.

Hai interés en tres, queden siete y vendióse una a Asetra. El conseyeru quita importancia a les duldes del so presidente sobre’l futuru de la zona loxística, y cree que la patronal del tresporte acabará participando. Insiste en que La Zalia ye un activu, pero que tien que dir xuníu a un cambéu nel modelu de tresporte. Dio anuncia de que nos díes vinientes inaugúrase’l ferrocarril nel cai d’El Musel. Yá tán preparaes les víes, y esto dexará allixerar el tráficu per carretera.

Calvo tamién faló sobre’l protocolu del vial de Xove. Quieren presentalu nes selmanes vinientes, diz, nel Ministeriu. Inxertará un vial cuasi, esclusivu per Aboño. Con un empalme que s’adelantaría, en Carreño, pa evitar molesties a los vecinos.

El conseyeru díxolo na presentación de la nueva flota d’autobuses del Grupo Sanjuan Abad. La empresa que tien la concesión d’ente otros los corredores del Nalón y el Caudal.