Un estudiu desaconseya l'inxerimientu del bisonte européu na Península Ibérica

Los 40 investigadores indiquen que pue ser perxudicial

Va 10.000 años que na Península Ibérica existieron los bisontes, un fechu afitáu con fósiles y tamién con pintures rupestres como les d’Altamira o, equí n’Asturies, na cueva de La Covaciella. Sicasí, aquellos animales prehistóricos veníen d’una raza yá desaniciada del bisonte européu d’anguaño, el qu’agora quieren inxertar na nuestra fauna apunta Diego Álvarez Laó, profesor titular de Paleontoloxía de la Universidá d’Uviéu.

Que’l bisonte européu nunca nun tuviere presente na Península Ibérica ye una razón de pesu abonda, según los científicos, pa nun s’inxertalu. Los promotores de la idea, nel casu d’España, una ONG holandesa, defenden los sos beneficios ecolóxicos como esbrozáu natural o prevención del cambéu climáticu, pero los espertos nun lo tienen tan claro señala Carlos Nores, profesor xubiláu de Zooloxía de la Universidá d’Uviéu.

Tamién tienen mieu de qu’esto abra la veda pa inxertar otros animales, como por exemplu lleones o hienes, que sí existieron na Península y que nun se desaniciaron.