Campoastur señala que'l futuru de la cooperativa pasa por tres pilastres: persones, impulsu y comunicación

Una collaboración público-privada pa llantar 15 hectárees de pumares nel centru d'Asturies, ente lo más inmediato

Campoastur señala que'l futuru de la cooperativa pasa por tres pilastres: persones, impulsu y comunicación. Creen que'l preciu de la carne y la lleche tendría d'adaptase más y miren de regüeyu al alcuerdu de Mercosur que va dexar importar carne.

Nuna xunta interna, Campoastur definió 19 planes d'acción de los que nueve son consideraos esenciales. Estudien, por casu, abrir más tiendes y gasolineres, planes avezaos de cualquier empresa.

Ente lo más inmediato, un plan pa llantar 8.200 pumares nuna collaboración público-privada.

Tamién esmolecen los precios de la lleche y la carne y cómo pue afectar l'alcuerdu con Mercosur.

Campoastur cuenta con mas de 7.000 socios y trabaya pa facilitar el trabayu de los ganaderos y llabradores, y consiguir el relevu xeneracional nel campu y asitiar población nel mediu rural.